پنجگور(راہشون) بلوچی شاعر و ادیب فضل عاجز نے کہاہے کہ عزت اکیڈیمی کی کابینہ زبان و ادب کی کارکردگی نہ ہونے کے برابر ہے،اکیڈیمی میں اچھے تجربہ کار مخلص شعراء ادبا کے ہوتے ہوئے بھی عملی کارکردگی دیکھانے میں صفر ہے شومی قسمت سے جو اکیڈیمی اور زبان ادب کیلئے دوراندیش مخلص تھے وہ اب اس دنیا میں نہیں رہے چند لوگوں کی کشمکش سے ادارہ تباہ ہوچکی ہے ان خیالا ت کا اظہار انہوں نے اپنے بیان میں کیا ہے انہوں نے کہاہے حقیقت میں شعراء وادبا ذی شعور عاقل و فہمیدہ اور اچھے اخلاق کے مالک ہوتے ہیں لیکن حقیقت انکے برعکس  نظر آتی ہے،عزت اکیڈیمی پنجگور کی کابینہ کا اچھی کارکردگی کے بجائے الٹا پیسے خور طبقہ سے وابستہ ہیں جو کسی نہ کسی چالبازی اور حیلہ و بہانہ سے کسی وزیر اور علاقہ کے ایم پی اے سے اکیڈیمی کے نام پر حاصل کرکے پورے رقم ہضم کرلیتے ہیں سرپرست اعلی نے کابینے کے نااہلی کے سبب اپنے عہدے سے استعفیٰ دے دیا،انہی کارکردگی کی وجہ سے گزشتہ آٹھ ماہ سے اکیڈیمی مقفل نظر آتا ہے، انہوں نے کہاہے کہ بہتر اسی میں ہے کہ اکیڈیمی کا کابینہ تحلیل کرکے سات رکنی کمیٹی رکھیں اور ناراض ہونے والے ممبران کو لاکر دو بار ہ ممبر شپ میں شامل کرین اور زبان و ادب کی ترویج کیلئے  از سر نو الیکشن کرین۔